വെള്ളരിക്കുണ്ട് സെന്റ് ജൂഡ്സ് എച്ച്.എസ്.എസിലെ ചുണകുട്ടികളുടെ കൈകരുത്തില് സംസ്ഥാന ജൂനിയര് വടംവലി മത്സരത്തില് കാസര്ഗോഡ് ജില്ല വീണ്ടും ചാമ്പ്യന്ന്മാര്. ആലപ്പുഴയില് നടന്ന ചാമ്പ്യന്ഷിപ്പില് ടീമംഗങ്ങളായ ഒമ്പതുപേരും സെന്റ് ജൂഡ്സ് സ്കൂള് വിദ്യാര്ഥിനികളാണ്. ക്യാപ്റ്റന് റാണി ജോസ് , പ്രിയ, ജോഷ്ന, അഞ്ജന ബിജു, നിസി, അഞ്ജന ചാക്കോ, അലീന, വീണ , ട്രീസ എന്നിവരടങ്ങിയ ടീമാണ് ജിലയ്ക്കുവേണ്ടി അഭിമാന നേട്ടം കൈവരിച്ചത് . ഫൈനലില് തിരുവനന്തപുരത്തെ മലര്ത്തിയടിച്ചാണ് ഇവര് കീരീടം നേടിയത് .കഴിഞ്ഞവര്ഷം ദേശീയ മത്സരത്തിലും ഇവര് ചാമ്പ്യന്മാരായിരുന്നു. ഷൈജന് ചാക്കോ ആണ് കോച്ച്. ടീം മാനേജര് സിസ്റ്റര് ആലീസ് മാത്യു, കായിക അധ്യാപകന് ബെന്നി ജോസഫ് എന്നിവരും ടീമിനൊപ്പമുണ്ടായിരുന്നു.
No comments:
Post a Comment